27.5 C
Madhya Pradesh
November 16, 2026
Bundeli Khabar
IMG 20211022 WA00032
महाराष्ट्र

मुंबईत लालबागमधील वन अविघ्न पार्क इमारतीला मोठी आग

Bundelikhabar

मुंबईत लालबागमधील वन अविघ्न पार्क इमारतीला मोठी आग; जीव वाचवण्यासाठी रहिवाशांची धडपड

मुंबई (गुरुदत्त वाकदेकर) : मुंबईत लालबागमधील वन अविघ्न पार्क इमारतीला भीषण आग लागली असून अग्निशमन दलाच्या गाड्या घटनास्थळी दाखल झाल्या आहे. अग्निशमन दलाकडून आग विझवण्यासाठी शर्थीचे प्रयत्न सुरु आहेत. अग्निशमन दलाला लेव्हल तीनचा कॉल देण्यात आला आहे. भीषण आगीतून जीव वाचवण्यासाठी नागरिकांची धडपड सुरु आहे. एका नागरिकाने जीव वाचवण्यासाठी इमारतीवरुन उडी मारल्याचीही माहिती मिळत आहे. इमारतीच्या १९व्या मजल्यावर आग लागली होती. पण काही वेळातच ही आग २५व्या मजल्यापर्यंत पसरली आहे.

वन अविघ्न मुंबईतील लालबाग परिसारातील गगनचुंबी इमारत. ही इमारत एकूण ६० मजल्यांची आहे. तर इमारतीच्या आजूबाजूला इतर लहान-मोठ्या इमारतीही आहेत. त्याशिवाय अनेक बैठी घरं, चाळीही आहेत. तसेच या भीषण आगीत अनेक नागरिक अडकल्याची भीती व्यक्त केली जात आहे. अग्नीशमन दलाला लेव्हल तीनचा कॉल देण्यात आला आहे. लेव्हल तीनचा कॉल आगीचं स्वरुप भीषण असताना दिला जातो. अग्निशमन दलाकडून आग आटोक्यात आणण्यासाठी शर्थीचे प्रयत्न सुरु आहेत.

वन अविघ्न इमारतीच्या २१व्या मजल्यावरुन एका व्यक्तीने जीव वाचवण्यासाठी इमारतीच्या गॅलरीतून लटकून जीव वाचवण्याचा प्रयत्न केला. परंतु, हात सुटल्यामुळे ती व्यक्ती इमारतीवरुन खाली पडली. या व्यक्तीला तात्काळ रुग्णालयात दाखल केल्याची माहिती मिळत आहे.


Bundelikhabar

Related posts

शिवाजी गोतरणे आणि सुनिल परटोले गुरु-शिष्य विविध पुरस्कारांनी सन्मानीत

Bundeli Khabar

रमाकांत मुंडे यांना पायल घोष आणि राजपाल यादव यांच्या हस्ते छत्रपति शिवाजी महाराज गौरव पुरस्कार २०२१ मिळाला 

Bundeli Khabar

इतर राज्यांनी अनुकरण करावे असे सर्वंकष व उत्तम सांस्कृतिक धोरण तयार करणार – सुधीर मुनगंटीवार

Bundeli Khabar
error: Content is protected !!