प्रमोद कुमार
कल्याण :- महापालिका आयुक्त डॉ. विजय सूर्यवंशी यांच्या निर्देशानुसार व विभागीय उपायुक्त पल्लवी भागवत यांच्या मार्गदर्शनाखाली प्रभागक्षेत्र 8/ग अंतर्गत दत्तनगर डोंबिवली पूर्व, येथील विकासक प्रफुल्ल गोरे यांच्या शिव दत्तकृपा या तळ + 5 मजल्याच्या इमारतीचे अनधिकृत बांधकाम रहिवास मुक्त करून आज निष्कासनाच्या कारवाईस सुरूवात करण्यात आली आहे. सदर निष्कासनाची कारवाई रामनगर पोलीस स्टेशन मधील पोलीस अधिकारी सचिन सांडभोर व पोलिस कर्मचारी , अनाधिकृत बांधकाम नियंत्रण विभागाचे कर्मचारी यांच्या मदतीने करण्यात येत आहे. ही कारवाई फ प्रभागाचे सहा.आयुक्त किशोर शेळके, ग प्रभागाच्या सहा. आयुक्त रत्नप्रभा कांबळे, क प्रभागाचे सहा. आयुक्त सुधीर मोकल, ह प्रभागाचे सहा. आयुक्त अक्षय गुडधे , इ प्रभागाचे सहा आयुक्त भारत पवार, प्रभाग अधिक्षक दिनेश वाघचौरे , प्रभाग अधिक्षक ज्ञानेश्वर कंखरे ,प्रभाग अधिक्षक शंकर धावारे यांचे उपस्थितीत आणि 1जाॅ क्रशर मशीन, 1 पोकलेन, 1 जेसीबी , 10 मजूर यांच्या सहाय्याने करण्यात येत आहे.
