मुंबई (गुरुदत्त वाकदेकर) : हुनर बिझनेस नेटवर्क आणि आरोग्यम् धनसंपदा फाऊंडेशन यांच्या संयुक्त विद्यमाने वृद्धाश्रमातल्या विधवांसाठी मुंबई भायखळा येथे आरोग्य तपासणी शिबीर आयोजित करण्यात आले होते. हुनर बिझनेस नेटवर्कच्या फाऊंडर शगुफ्ता मुमताज आणि ब्रँड ॲम्बेसेडर असिफ नूर हसन आणि आरोग्यम् धनसंपदा फाउंडेशन चे अध्यक्ष जितेंद्र पाटील आणि डॉ. सुनील महाजन यांच्या प्रयत्नाने २२ विधवांना त्याचा लाभ मिळाला. त्याचबरोबर ह्या ज्येष्ठांसोबत नाच, गाणी, खेळ, भेटवस्तू आणि जेवण देऊन त्यांच्या चेहर्‍यावर हास्य निर्माण केले.
सदर उपक्रम यशस्वीपणे पार पडण्यासाठी शगुफ्ता मुमताज, मुमताज अहमद शेख, आसिफ नूर हसन, जितेंद्र पाटील, डॉ. सुनील महाजन, नूतन चोगुले, रवीका दुगल, रुखसाना शकील अन्सारी, अनुपमा पाधी, शहीना, रितू मनीक, फौझीया घोजरिया, झोया (कौसर परिहार), हुनर बिझनेस नेटवर्क टीम आणि आरोग्यम् धनसंपदा फाऊंडेशन, कल्याण यांचे विशेष सहकार्य लाभले.
