मुंबई (गुरुदत्त वाकदेकर) : शिवसेना नेते खासदार अरविंद सावंत हे अध्यक्ष असलेली “जाणीव ट्रस्ट” ही मुंबई व महाराष्ट्रातील एक अग्रगण्य संस्था असून सामाजिक व सांस्कृतिक कार्यात नेहमीच अग्रेसर राहिली आहे. या संस्थेच्या वतीने मुंबई उपनगर, उर्वरित महाराष्ट्रासह संपूर्ण हिंदुस्थान आणि अनिवासी भारतीय या तीन गटांमध्ये “घरगुती गणेश दर्शन स्पर्धा २०२२” आयोजित केली होती. या स्पर्धेचा पारितोषिक वितरण सोहळा शिवसेना नेते खासदार अरविंद सावंत यांच्या उपस्थितीत करण्यात आला.
सदर सोहळ्यास निमंत्रित म्हणून शिवसेनेचे मा. नगरसेवक सचिन पडवळ, शिवसेना शिवडी विधानसभा संघटक तसेच लालबागचा राजा उत्सव मंडळाचे मानद सचिव सुधीर भाऊ साळवी, नागपूर ग्रामीणचे संपर्क प्रमुख दिलीप जाधव तसेच संस्थेचे पदाधिकारी बाळा साटम हे देखील उपस्थित होते. सदर कार्यक्रमाचे नियोजन संतोष परब यांच्या मुक्ता इव्हेंट अँड हॉस्पिटॅलीटी प्रा. लि. या कंपनीने केले होते.
