मुंबई (गुरुदत्त वाकदेकर) : काँग्रेस पक्षाच्या शिष्टमंडळाने अध्यक्ष आ. नानाभाऊ पाटोळे यांच्या नेतृत्वाखाली शिवसेना पक्षप्रमुख व मा. मुख्यमंत्री उद्धवसाहेब बाळासाहेब ठाकरे यांची मातोश्री बंगल्यावर भेट घेऊन राज्यातील राजकीय घडामोडी विषयी सविस्तर व मनमोकळेपणाने चर्चा केली. त्यावेळी मुंबई काँग्रेस अध्यक्ष व आमदार भाई जगताप, मा. मंत्री अमित देशमुख, महाराष्ट्र प्रवक्ते डॉ. राजू वाघमारे उपस्थित होते.
काँग्रेस पार्टी अंधेरी पोटनिवडणुकीत पूर्ण ताकदीने मैदानात उतरून शिवसेना उमेदवार व स्वर्गीय आमदार रमेश लटके यांच्या पत्नी श्रीमती ऋतुजा रमेश लटके यांना प्रचंड बहुमताने निवडून आणेल व संपूर्ण महाविकास आघाडी यात सामील होईल असा विश्वास दिला.
यानंतर मुंबई काँग्रेस अध्यक्ष, आमदार भाई जगताप, शिवसेना नेते, मा. मंत्री अनिल परब व राष्ट्रवादीच्या नेत्या राखीताई जाधव यांनी संयुक्त पत्रकार परिषद घेऊन महाविकास आघाडीची भूमिका स्पष्ट केली.
