मुंबई (गुरुदत्त वाकदेकर) : स्वॅग इंटरटेन्मेंटच्या वतीने उदयोन्मुख कलाकारांचा फॅशन शो “स्वॅगर २०२१” हा सोहळा उत्तरोत्तर रंगतदार होत गेला. आमदार भारती लव्हेकर यांच्या हस्ते त्याचा प्रारंभ झाला. यावेळी शरहान सिंग, रेणू पांडे, धरक छाया, ध्वनिश छाया, आनंद अबुजाक्शन, वरूण सुरी, नीता भानुशाली, प्रकोशिनी साखरे, हीना आदी बॉलिवूडमधील कलाकार सहभागी झाले होते. रचिता बजाज आणि रविना बजाज यांच्या पुढाकाराने आणि सूत्रसंचालनाने या कार्यक्रमात रंगत आणली गेली. यातून कलाकारांना एक व्यासपीठ मिळवून देण्याचा प्रयत्न करण्यात आला. या कार्यक्रमात कलाकारांनी आपल्या नृत्य कलांचेही प्रदर्शन केले. मान्यवरांना याप्रसंगी सन्मानित करण्यात आले.
