साधन केंद्र अनगांव येथे महिला किसान दिन मोठ्या उस्ताहात संपन्न

किशोर पाटील/महाराष्ट्र
भिवंडी : महिला किसान दिना निमित्त ग्रामपंचायत अनगांव येथे महाराष्ट्र शासन कृषी विभाग व महिला आर्थिक विकास मंडळ ठाणे यांच्या अंतर्गत क्रांतीजोती लोक संचालित साधन केंद्र अनगांव येथे महिला किसान दिन मोठ्या उस्ताहात साजरा करण्यात आला . भिवंडी पंचायत समितीच्या नवनिर्वाचित सभापती सौ. नमिता निलेश गुरव यांच्या हस्ते दीप प्रज्वलन करून कार्यक्रमाची सुरुवात करण्यात आली. यावेळी मा,उपसभापती श्री, गुरुनाथ जाधव, भाजपा युवा मोर्चा भिवंडी ग्रामीण अध्यक्ष श्री, निलेश गुरव, कृषी अधीक्षक ठाणे श्री अंकुश माने, तालुका कृषी अधीकारी श्री.गणेश भामले आदी मान्यवर व मोठ्या संख्येने महिला ,ग्रामस्थ उपस्थितीत होते. आपण सर्व सावित्रीच्या लेकी आहोत त्यामुळे मोलमजुरी करून हातावर पोट भरणाऱ्या महिलांना जास्तीत जास्त कामे कशाप्रकारे देता येतील व त्यांचा उदरनिर्वाह करता येईल याकडे मी जातीने लक्ष घालीन अशा असे यावेळी नवनिर्वाचित सभापती सौ. नमीता निलेश गुरव यांनी यांनी यावेली किसान दिनाच्या शुभेच्छा देताना सांगितले.