प्रमोद कुमार/महाराष्ट्र
डोम्बिवली : कल्याण महापालिकेच्या डोंबिवली येथील फ प्रभागातील खंबाळपाडा शंकेश्वर लेक व्हील इमारतीच्या बाजूला भोईरवाडी येथील प्रवीण शांताराम नाईक यांच्या सुरू असलेल्या तळ मजल्याच्या अनधिकृत आरसीसी इमारतीवर निष्कासनाची धडक कारवाई आज करण्यात आली, त्याचप्रमाणे खंबाळपाडा भोईरवाडी येथिल कच्च्या रस्त्याला लागून असलेले बांधकाम धारक श्री. शरद मधुकर राहुल यांच्या तळ + 1 मजल्याच्या सुरू असलेल्या अनाधिकृत आरसीसी इमारतीवर निष्कासनाची कारवाई देखील आज करण्यात आली सदर कारवाई महापालिकेचे पोलीस अधिकारी /कर्मचारी त्याच प्रमाणे 1 पोकलेन, 1 जेसीबी, 10 कामगार व फ प्रभागातील अतिक्रमण निर्मूलन पथकातील कर्मचारी यांच्या सहाय्याने करण्यात आली. या कारवाईच्या वेळी विभागीय उपायुक्त पल्लवी भागवत, सुहास गुप्ते- सहा. आयुक्त ग,ह प्रभाग भरत पाटील – सहा.आयुक्त फ प्रभाग हे समक्ष उपस्थित होते।
