35.6 C
Madhya Pradesh
June 16, 2024
Bundeli Khabar
Home » दादर माटुंगा सांस्कृतिक केंद्रातर्फे शिष्यवृत्तीधारकांच्या कार्यक्रमाचे आयोजन
महाराष्ट्र

दादर माटुंगा सांस्कृतिक केंद्रातर्फे शिष्यवृत्तीधारकांच्या कार्यक्रमाचे आयोजन

मुंबई (गुरुदत्त वाकदेकर) : दादर माटुंगा सांस्कृतिक केंद्रातर्फे गायन, वादन आणि नृत्य यासाठी विध्यार्थ्यांना शिष्यवृत्ती दिली जाते आणि त्यांच्या प्रगतीच्या अवलोकनासाठी दरवर्षी कार्यक्रमाचे आयोजन करण्यात येते. यावर्षीचा कार्यक्रम शनिवार दिनांक ६ मे आणि रविवार दिनांक ७ मे या दिवशी आयोजित केला आहे. हा कार्यक्रम सर्वांसाठी खुला आहे. यात सहभागी गायकांना तबला साथ प्रवीण करकरे यांचे शिष्य आणि केंद्राचे शिष्यवृत्तीधारक यज्ञेश कदम आणि निनाद कुणकवळेकर करणार असून हार्मोनियमची साथ ओंकार अग्निहोत्री आणि शुभदा गायकवाड यांची असेल.

शनिवार दिनांक ६ मे रोजी सकाळी १० ते १.३० या वेळेत होणाऱ्या कार्यक्रमात समृद्धी शिंदे – भरतनाट्यम नृत्य (गुरु – स्नेहल कळमकर), कनिष्का पोवळे – गायन (गुरु – प्रतिमा टिळक), सिद्धी शितुत – गायन (गुरु – वरदा गोडबोले), आसावरी गोंधळी – गायन (गुरु – पं. अरुण कशाळकर), अदिती पोटे – गायन – (गुरु – अपूर्वा गोखले) हे कला सादर करतील तर रविवार दिनांक ७ मे संध्याकाळी ५ ते ८ या वेळेत होणाऱ्या कार्यक्रमात सावनी पारेकर – ख्याल गायन (गुरु – पल्लवी जोशी), आर्या धारेश्वर – गायन (गुरु – यशस्वी सरपोतदार), प्राजक्ता शेंद्रे – गायन (गुरु – श्रीमती पल्लवी जोशी), सावनी गोगटे – गायन – गुरु (पं. शुभदा पराडकर) यांची कला सादर होईल.

Related posts

मोनिश शर्मा, भूमिका कागरा यांची राज्यस्तरीय ज्युडो स्पर्धेसाठी निवड

Bundeli Khabar

फिल्म प्रडूसर और प्रडक्शन हाउस की लापरवाही की वजह से हुआ हादसा.

Bundeli Khabar

विजय बामुगडे यांना “अभिमान महाराष्ट्राचा पुरस्कार” प्रदान

Bundeli Khabar

Leave a Comment

error: Content is protected !!