मुंबई (गुरुदत्त वाकदेकर) : चित्रकार रामकृपाल नामदेव यांनी काढलेल्या लताजींच्या ४० चित्रांनी सजलेल्या राणी दुर्गावती संग्रहालयात २०१७ मध्ये पहिले चित्रलतिका प्रदर्शन भरवण्यात आले होते. ज्याची सुरुवात त्यांचे प्रेरणास्थान गुरु आदरणीय श्री भगवानदास पटेल यांनी केली होती. रामकृपाल नामदेव यांच्या कलाकृतींना शहरातील कलाप्रेमींनी भरभरून दाद दिली. जबलपूरचे चित्रकार रामकृपाल नामदेव हे लता मंगेशकर यांचे परमभक्त आहेत. त्यामुळे आपल्या कलेतून लताजींचा सन्मान करण्याचा प्रयत्न करावा असा विचार त्यांच्या मनात आला आणि या अंतर्गत त्यांनी आत्तापर्यंत देशातील विविध राज्यांमध्ये १२ प्रदर्शनांचे आयोजन केले होते. मुंबईत २६ ते २९ जानेवारी २०२३ या कालावधीत रवींद्र नाट्य मंदिर येथील पु. ल. देशपांडे आर्ट गॅलरी. २२ ते २६ फेब्रुवारी २०२३ या कालावधीत जेमिनी रॉय आर्ट गॅलरी, कोलकाता येथे त्यांचे १४ वे चित्रलतिका प्रदर्शन आयोजित करण्यात आले आहे. लतादीदींची बहीण सुप्रसिद्ध गायिका उषा मंगेशकर यांनी प्रदर्शनाचे आणि नामदेवांच्या कलेचे निरीक्षण व कौतुक केले.
सुमारे तीन ते चार महिन्यांत चित्रकार रामकृपाल नामदेव यांनी लताजींच्या चित्रातील सुमारे ९३० चेहरे कॅनव्हासवर ऑइल पेंटने कोरले होते. ज्यामध्ये २९९ चेहरे लताजींचे होते, त्यापैकी सर्वात वर माता सरस्वतीचे चित्र साकारलेले होते आणि उर्वरित ६३० चेहरे जगातील अशा प्रसिद्ध महिलांचे चेहरे होते ज्यांनी समाजासाठी काही चांगले काम केले आहे. विशेष म्हणजे या चित्राबाबत रामकृपाल नामदेव यांनी लताजींची भेट घेतली होती. त्यानंतर लताजींनी फोटोवर ऑटोग्राफ दिला आणि ती त्यांच्या आयुष्यातील सर्वात मौल्यवान भेट असल्याचे सांगितले.
*त्या चित्राची लिम्का बुक ऑफ रेकॉर्डमध्ये २०१६ मध्ये नोंद झाली आहे*
चित्रकार रामकृपाल नामदेव यांनी सांगितले की ते २९ जून २०१४ रोजी लताजींना भेटले होते. लताजींच्या खास चित्रात त्यांच्या बालपणापासून तारुण्यापर्यंतची अनेक चित्रे रेखाटण्यात आली आहेत. एका चित्रात लताजी, त्यांची आई शेवंती मंगेशकर त्यांच्या बहिणी मीना खर्डीकर, आशा भोसले, उषा मंगेशकर तसेच भाऊ हृदयनाथ मंगेशकर यांच्यासोबत दिसत आहेत. कलाकाराने ६० x ४५ सेमी आकाराच्या कॅनव्हासवर बनवलेल्या या पेंटिंगची २०१६ मध्ये लिम्का बुक ऑफ वर्ल्ड रेकॉर्डमध्ये नोंद झाली आहे. लता मंगेशकर यांच्या २९९ चेहऱ्यांद्वारे या चित्रात देवनागिरीमध्ये लता शब्दाचा उदय होतो.
चित्रकार रामकृपाल नामदेव ज्यांनी अनेक चित्रांच्या माध्यमातून दीदींचे जीवन कॅनव्हासवर आणले आहे. त्यांनी ३० x २४ इंच फ्रेमवर आठ महिन्यांत लता दीदींचे पोर्ट्रेट तयार केले आहे. या चित्राचे वैशिष्ट्य म्हणजे यात लता मंगेशकर यांचे ४३५९ चेहरे बनवण्यात आले आहेत. गेल्या ४० वर्षांपासून चित्रकला करणारे जबलपूरचे रामकृपाल सांगतात की, लता मंगेशकर नेहमीच त्यांची प्रेरणा राहिल्या आहेत. लताजींची सदाबहार गाणी ऐकताना चित्रकला करताना त्यांना अधिक उत्साही वाटते. आतापर्यंत त्यांनी दीदींची ५० हून अधिक छायाचित्रे काढली आहेत. यापैकी तीन चित्रे आहेत ज्यात अनुक्रमे ९३०, १४३६ आणि ४३५९ चेहरे आहेत. ९३० चेहरे असलेल्या पेंटिंगला लिम्का बुक ऑफ रेकॉर्डमध्ये स्थान मिळाले आहे. १४३६ चेहऱ्यांसह लताजींच्या आणखी एका पेंटिंगला एशिया बुक आणि इंडिया बुक ऑफ रेकॉर्डमध्ये स्थान देण्यात आले आहे. ४३५९ चेहऱ्यांसह पेंटिंग देखील लवकरच रेकॉर्ड बुकमध्ये प्रवेश करेल अशी आशा त्यांना आहे.
सदर प्रदर्शनास आमदार अॅड. आशिष शेलार-माजी शिक्षण मंत्री आणि सध्या मुंबई भारतीय जनता पक्षाचे अध्यक्ष, गोविंद नामदेव-प्रसिद्ध चित्रपट अभिनेते, संतोष पांडे-सामाजिक कार्यकर्ते, कृष्णा मंगेशकर, मकरंद जोशी, नेहा बाम-टी.व्ही. मालिका अभिनेत्री, रंजना रतन-गायिका, शांग्रीला न्यायनीत-मराठी हिंदी टीव्ही अभिनेत्री, प्रीतम सिंग-पत्रकार, रवी जैन-गायक आदी कलाप्रेमींनी प्रदर्शनाचा आनंद लुटला.
प्रदर्शनाची सुयोग्य व्यवस्था अंजू नामदेव, अश्विनी जोशी, नमन नामदेव, मितुल अग्रवाल यांनी उत्तम प्रकारे सांभाळली.
