चार जणांवर गुन्हा दाखल !
भिवंडी : नारपोली पोलीस ठाण्याच्या हद्दीतील अलीमघर येथे खाडी किनारी गावठी दारूच्या हातभट्ट्या सुरु असल्याची माहिती पोलिसांना मिळताच या ठिकाणी शुक्रवारी नारपोली पोलिसांनी धाड टाकून चार गावठी दारूच्या हातभट्टी उध्वस्त करत तब्बल ३ लाख ८६ हजार रुपयांचा मुद्देमाल जप्त करत चार जणांवर गुन्हा दाखल करण्यात आला आहे.
या चौघांनी अलीमघर येथील बेटावर गावठी दारु करण्यासाठी हातभट्टी लावल्या असल्याची खबर पोलिसांना मिळाली असता नारपोली पोलिसांनी ठाण्याचे सहाय्यक पोलीस निरीक्षक चेतन पाटील व पोलीस उप निरीक्षक रोहन एल. शेलार यांना मिळाली असता आलीमघर येथील खाडीच्या बेटावर चार ठिकाणी चारही आरोपींनी लावलेल्या हातभट्ट्या उध्वस्त करत गावठी हातभट्टीची दारू तयार करण्याकरीता लागणारे प्लॉस्टीकचे ड्रम त्यामध्ये दारू तयार करण्याकरीता लागनारे रसायन, भांडे, लाकडे व तयार दारू असा एकूण ३ लाख ८६ हजार रुपयांचा मुद्देमाल जप्त केला. सदरची कारवाई नारपोली पोलीस ठाण्याचे वरिष्ठ पोलीस निरीक्षक मोहन बल्लाळ यांच्या मार्गदर्शनाखाली सहाय्यक पोलीस निरीक्षक चेतन पाटील व पोलीस उप निरीक्षक रोहन एल. शेलार यांच्यासह पोलीस हवालदार ए. वाय बोडके, पोलीस हवालदार नवले, पोलीस नाईक शिंदे, पोलीस शिपाई सावंत यांनी केली आहे.
