मुंबई (गुरुदत्त वाकदेकर) : लघुवाद न्यायालय, मुंबई व मुंबई उपनगर जिल्हा विधी सेवा प्राधिकरण यांच्या संयुक्त विद्यमाने लघुवाद न्यायालय, मुंबई येथे आझादी का अमृत महोत्सवानिमित्त `मेंकिंग अँड इवोल्यूशन ऑफ कॉन्स्टिट्यूशन ऑफ इंडिया सिन्स इंडिपेन्डेन्स’ या विषयावर वरिष्ठ वकील पुनीत चतुर्वेदी यांच्या व्याख्यानाचे आयोजन करण्यात आले. अध्यक्षस्थानी लघुवाद न्यायालयाचे मुख्य न्यायाधीश अभय वाघवसे होते.
प्रास्ताविक मुंबई उपनगर जिल्हा विधी सेवा प्राधिकरणाचे सचिव सतिश हिवाळे यांनी केले. सूत्रसंचालन न्यायाधीश श्रीमती जे. एस. जगदाळे यांनी केले. या उपक्रमाचे आयोजन प्रबंधक ना. वा. सावंत, अप्पर प्रबंधक श्रीमती एन. वाय, शाहिर, अतुल ग. राणे, श्रीमती आर. के. हजारे यांनी केले. कार्यक्रमास विधिज्ञ संघटनेचे पदाधिकारी, वकील वर्ग, पक्षकार तसेच न्यायालयीन कर्मचारी उपस्थित होते.
—–
