राज्य नियोजन मंडळाचे कार्यकारी अध्यक्ष राजेश क्षीरसागर मंगळवारी घेणार
कोकण विभागातील जिल्हा वार्षिक योजनेचा आढावा
प्रमोद कुमार/महाराष्ट्र
ठाणे : राज्य नियोजन मंडळाचे कार्यकारी अध्यक्ष राजेश क्षीरसागर हे मंगळवारी दि.21 सप्टेंबर 2021 रोजी कोकण विभागीय कार्यालयात येणार आहेत. यावेळी ते कोकण विभागातील ठाणे, पालघर, रायगड व रत्नागिरी या चार जिल्ह्यांच्या जिल्हा वार्षिक योजनांचा आढावा घेणार आहेत.
विभागीय आयुक्त कार्यालयात दुपारी 2.00 वाजता होणाऱ्या या बैठकीत सन 2018-19 ते सन 2020-21 या वर्षांमध्ये घेण्यात आलेल्या नाविन्यपूर्ण योजनांचा आढावा घेतला जाणार आहे. तसेच सन 2020-21 व सन 2021-22 या आर्थिक वर्षात शासन निर्णयानुसार जिल्हा वार्षिक योजनेमधून कोविड-19 प्रतिबंधात्मक उपाय योजनेंतर्गत कोणती कामे घेण्यात आली आणि या कामांवर किती निधी खर्च झाला याबाबत